top of page
  • Derandein Fundazioa

Iraunkortasunerako proiektuak sustatzen jarraitzen dugu Karatun, Tanzania

Tanzaniako gure tokiko kontraparteetako bat Mwema Street Children Center Karatu (MSCCK) da, Karatuko barrutian lan egiten duena, Arusha eskualdean. Erakunde honek, kale egoeran dauden haurren oinarrizko eskubideak eta beharrak ziurtatzearen aldeko proiektuak gauzatzen ditu batez ere.


Duela urte batzuetatik hona, Derandein Fundazioak MSCCKrekin batera lan egiten du proiektu iraunkorrak bultzatzeko, nazioarteko lankidetzarekin batzuetan sortzen diren mendekotasunak saihesten saiatzeko. 2022an Sumawe eskola-baratzearekin batera gauzatu genuen proiektu-eredua erreferentziatzat hartuta, 2023an akuikultura jasangarrian oinarritutako proiektu bat abian jartzea lortu genuen. Ekoizpen-proiektu mota hau oso berritzailea da Karatu inguruan, normalean akuikultura kostaldean edo aintziretan lantzen baita.


Proiektuaren bidez, jarduera mota hau gauzatzeko behar den azpiegitura eraiki da eta 8.000 arrain baino gehiago modu jasangarrian hazten hasi dira, laster kale egoeran dauden haurren dietetan sartuko direnak. Horrela, adingabeen kolektiboaren nutrizio egoeran hobekuntza garrantzitsua lortzeaz gain, erakundeak kudeatzen duen adingabeen arretarako zentroaren elikadura-kostua murrizten lagunduko da, eta baliabide ekonomiko berriak ere lortuko dira tokiko merkatuan arraina salduz. Lortutako onurak MSCCKk Karatun bultzatzen dituen programetara bideratuko dira.


Tokiko erakundeen iraunkortasuna eta autokudeaketa zaintzen duten proiektu eta ekintza mota hauei laguntza ematea oso garrantzitsua dela uste dugu. Proiektu honen bidez, MSCCKk haurren eskubideen alde egiten duen lanarekin jarraitu ahal izango du. Horrelako proiektuak sustatzen jarraituko dugu. Eskerrik asko Kutxa Fundazioari bere laguntzagatik!



Comentarios


bottom of page