Derandein Fundaziotik Amorebieta-Etxanoko herritarrei itzuli nahi diegu Saharaz hegoaldeko Afrikako herri behartsuenekin duten konpromezua eta borondatea. Hori dela eta, datorren 2023ko Urriaren 1ean gure ohiko Mendi Martxa ospatuko dugu Amorebieta-Etxanon.
Martxa 10:00etan hasiko da Jauregibarria Jatetxetik, eta doakoa izango da. Ibilbide osoa 7 kilometrokoa izango da eta Zubipunte, Derandein, Urumin, Arrindas, Etxano, Epaltzako bidea eta Urritxe auzoetatik igaroko gara. Ibilbidea Jauregibarrian amaituko da eta 13:00etan trikitixa eta pintxo-pote batekin bukatuko dugu.
.jpg)
Gainera, beste ingurune batzuetara joateko aukera ere izango dugu urari buruzko erakusketa baten bidez. Ibilbidean zehar, parte-hartzaileek mundu osoan, zehar eta zehazki Afrikan, uraren inguruan dauden arazoei eta egoera desberdinei buruzko informazioa eskuratuko dute.
Aldez aurretik, pertsona guztiek izena eman beharko dute hurrengo formularioan, derandein@derandein.org posta elektronikoan, edo ibilbidearen irteera-puntuan 9:30etatik aurrera.
Ez ahaztu zure ur-botila ekartzea. Zure zain egongo gara!
IZENA EMATEKO FORMULARIOA